Монгол Улсын Ерөнхийлөгчийн санаачилга, ЕТГ-ын дэмжлэгтэйгээр  А.Амарын "Монголын товч түүх", Б.Ишдоржийн "Монгол Улсын хураангуй түүх", Б.Буянчуулганы "Манж, Монгол холбогдсон түүхт байдал", Н.Магсаржавын "Монгол Улсын шинэ түүх", Л.Дэндэвийн "Монголын товч түүх", Х.Чойбалсан, Д.Лосол, Г.Дэмид нарын "Монгол ардын үндэсний хувьсгалын анх үүсэж байгуулагдсан товч түүх"-ийг багтаан хэвлэсэн “Монголын эх түүх” 6 боть ном хэвлэгдэн гарлаа.
Эдгээр номуудыг эмхтгэн буулгах ажлыг Түүхийн ухааны доктор З.Лонжид, Баянхонгор аймгийн Жаргалант сумын харьяат Төрийн соёрхолт, түүхч  О.Батсайхан нар 2 жилийн турш ажиллаж дуусгасан байна.