Монгол Улсын хууль тогтоомжийг сурталчлах, хэрэгжүүлэх, иргэдийн хууль эрх зүйн мэдлэгийг дээшлүүлэх, байгууллага хоорондын хамтын ажиллагааг сайжруулах зорилгоор албан байгууллагуудын дунд хууль сурталчлах 14 хоногийн аяныг зохион байгуулж байна. Хууль сурталчлах 14 хоногийн аяныг албан байгууллагууд хуваарийн дагуу 14 хоногоор ээлжлэн явуулах бөгөөд өгөгдсөн 2 хуулийг шинэлэг арга хэлбэрээр сурталчлах, иргэдийг өргөн хамруулах, явуулын сурталчилгааны /самбар, брошур, үзүүлэн гэх мэт/ материал бэлтгэж ирүүлэх, нийтийг хамарсан урлаг, спортын арга хэмжээ зохион байгуулахаар удирдамжинд заагдсан.